Vorið að koma
Pistlar - sunnudagur 08.apríl 2012 23:08 - - Athugasemdir (0)
Auðvelt er að rækta jarðaber á Íslandi
Það þarf að klippa limgerði, hreinsa garðana, bera á sólpallana, bera á húsgögnin og laga allt sem aflaga hefur farið eftir vetrarhörkurnar. Það þarf að stinga upp matjurtagarðinn og kartöflugarðinn og sá þegar vetrarfrostin eru komin í sumarfrí. Einnig þarf að taka til í blómabeðum og runnabeðum og setja niður vorlaukana. Slétta lóðina og laga ójöfnur með sandi og stinga upp fífla og annað illgresi. Flest sumarblóm er best að forrækta áður en sett eru út í garð, gott er að setja fræin í plastbakka inni til að hefja ræktunina inni í hlýjunni, planta má síðan blómunum úti þegar hlýna fer í lofti. Síðan er bara að bíða eftir sól og sumaryl og vera duglegur að njóta góða veðursins.
