Landpósturinn

Snæfell er komið í úrslit Iceland Express deildar karla í körfu eftir sigur á KR í oddaleik , 83 -93.  Snæfell vann þar með rimmuna 3-2 þar sem allir sigurleikirnir unnust á útivelli hjá báðum liðum, sem verður að teljast nokkuð óvenjulegt. 

Stigahæstu menn hjá Snæfell voru Sigurður Þorvaldsson með 28, Martins Berkis með 16 og Hlynur Bæringsson með 15 stig. Hjá KR voru það Morgan Lewis með 17, Brynjar Þór Björnsson með 15 og Skarphéðinn Ingason með 15.

Snæfell og Keflavík mætast í úrslitum sem hefjast á mánudaginn kemur á heimavelli Keflvíkinga.