Ófrískum konum í yfirþyngd gefin sykursýkislyf.
Tilkoma þessarar rannsóknar eru þær fréttir að mörg börn fæðist of þung og eru þau stundum nefnd „sumo börn“ með tilvísunni í hina umfangsmiklu japönsku glímumenn. Börn sem fæðast of þung eru sögð tvisvar sinnum líklegri til að eiga í vanda vegna offitu á fullorðinsárum.
Að sögn Fiona Denison læknis við Edinborgarháskóla segir lyfið sem heitir Metformin verkar þannig að það minnkar glúkósa í blóði móðurinnar og eru vonir bundnar við að það geti aukið heilbrigði bæði móður og barns á meðgöngu, lyfið er talið hættulaust og er nú þegar gefið ófrískum með sykursýki. Í breskum rannsóknum kemur fram að um 15% verðandi mæðra séu of feitar og eru því líklegri til að þróa með sér sykursýki á meðgöngu og eru þá meiri líkur á að börn þeirra fæðist andvana. Rúmlega 12 þúsund börn, 20 merkur eða þyngri fæddust í Bretlandi á síðasta ári og hefur fjölgað mjög á allra síðustu árum. Níu sjúkrastofnanir í Bretlandi taka þátt í rannsókninni, en niðurstaðna er ekki að vænta fyrr en eftir að minnsta kosti tvö ár.
