KSÍ gefur KA leyfi á að leika á Akureyrarvelli í sumar
Akureyri - þriðjudagur 10.apríl 2012 22:09 - - Athugasemdir (0)
Mynd: Jóhann Már Kristinson
Stjórn KSÍ samþykkti á dögunum að heimila Knattspyrnufélagi Akureyri að spila heimaleiki sína á Akureyrarvelli í sumar.
Skilyrði stjórnarinnar er samt að búið verði að setja upp 300 aðskilin sæti í stúku vallarins fyrir 15. júli næstkomandi. Þessu skilyrði ætti auðveldlega að vera uppfyllt en Fasteignir Akureyrarbæjar pöntuðu á dögunum um 700 sæti frá Ítalíu. Áætlað er að setja sætin upp fyrir fyrsta heimaleik KA föstudaginn 25. maí.
Greint var frá því á heimasíðu KA að völlurinn lítur mun betur út á núna en hann gerði á sama tíma í fyrra en þá urðu miklar kalskemmdir á honum sem sáust út sumarið.
