Kastaði skó í skókastara
Erlent - miðvikudagur 02.desember 2009 13:00 - - Lestrar 50 - Athugasemdir (0)
Skór verða sífellt vinsælla vopn hjá blaðamönnum. Myndin tengist fréttinni ekki beint.
Íraski blaðamaðurinn Muntazer al-Zaidi komst í heimsfréttirnar í fyrra þegar hann kastaði skó í átt að George Bush, fyrrverandi Bandaríkjaforseta. Al-Zaidi komst svo að því í gær hvernig það er að verða fórnarlamb skókasts, þegar hann var sjálfur grýttur með skó á blaðamannafundi í París.
Al-Zaidi var staddur í París að kynna nýútgefna bók sína sem fjallar um fórnarlömb hersetu Bandaríkjamanna í Írak. Skyndilega stendur einn blaðamaðurinn upp, tekur af sér skóinn og öskrar í átt að Al-Zaidi: „hér er annar skór fyrir þig!”
Al-Zaidi var snöggur að víkja sér frá skónum fljúgandi, sem hafnaði á hátalara sem stóð á bak við hann.
Skókastarinn var þá fjarlægður af fundinum.
Hér má svo sjá myndband af atburðinum
