Grímsstaðir á Fjöllum
Almennt - fimmtudagur 09.febrúar 2012 10:50 - Alma Lilja Ævarsdóttir - Athugasemdir (0)
Ljósmynd: Bergur H. Bergsson
Ögmundur Jónasson, innanríkisráðherra, synjaði sem kunnugt er kaupunum staðfestingar en borgarar ríkja utan EES þurfa slíkt samþykki á grundvelli laga um eignarrétt og afnotarétt fasteigna.
Í framhaldinu sótti Nubo um undanþágu hjá iðnaðarráðherra á grundvelli nýrra laga um ívilnanir vegna nýfjárfestinga vegna langtímaleigu á Grímsstöðum í því skyni að reisa þar lúxushótel, golfvöll og fleira.
Ekki hefur verið tekin ákvörðun um umsóknina í iðnaðarráðuneytinu, en nefndin sem fjallar um hana fundaði á fimmtudag í síðustu viku og framhaldi af því var ritað bréf til Nubos þar sem óskað var eftir frekari upplýsingum.
Bergur Elías Ágústsson, bæjarstjóri Norðurþings, er í Kína, þangað fór hann aðfaranótt mánudags og svo til Peking til að funda með Huang Nubo. Eftir því sem fréttastofa kemst næst ganga áformin varðandi Grímsstaði út á að Nubo láni sveitarfélaginu Norðurþingi fyrir kaupunum á jörðinni, leigi hana síðan af sveitarfélaginu og leigutekjurnar fari síðan í að greiða upp lánið. Þá er líka rætt um að leigan verði staðgreidd nokkur ár fram í tímann. Þetta er þó allt háð því að iðnaðarráðuneytið gefi grænt ljós, eins og áður segir.
Heimildir
