Gíraffi með slæman hálsríg - myndband
Erlent - miðvikudagur 25.nóvember 2009 22:04 - - Lestrar 39 - Athugasemdir (0)
All slæmur hálsrígur þetta
Þegar hinn fimm ára gamli gíraffi Amali steig út úr flutningabílnum í dýragarðinum í Tulsa sáu starfsmennirnir að það var ekki allt með felldu.
Svo virðist sem að gíraffinn hafi lent í einhverju hnjaski í flutningunum því að háls gíraffans tekur á sig óhugnanlega sveigju á miðjum hálsinum.
Bílstjórinn sem sá um flutningana segir að ekkert hafi komið fyrir á leiðinni og hefur ekki hugmynd um ástæðu þessa dularfulla ástands dýrsins.
Amali virðist þó ekki þjást í þessu ástandi sínu en starfsmenn dýragarðsins hafa tekið ákvörðun um að senda hann í röntgen til að sjá hvað veldur kvillanum.
