Fimmta umferð spiluð hjá Píludeild Þórs á Akureyri
Í kvöld var fimmta umferð HÞ Lagnadeildarinnar spiluð hjá píludeild Þórs. Tíu leikmenn mættu til leiks og leikið var 301, d inn d út.
Samkvæmt upplýsingum frá talsmanni Píludeildarinnar fóru leikar þannig:
Skipt var í tvo riðla að venju og unnu Bjarni og Hinrik báðir sína riðla og Aðalsteinn og Hrannar urðu í öðru sæti í sínum riðlum.
Í leik um fyrsta sætið vann Bjarni Sigurðsson Hinrik Þórðarson, 2- 1. Í leik um þriðja sætið vann Aðalsteinn Þorláksson Hrannar Þór Kjartansson, 2 -0. Kristján Örn Helgason vann Maríu Jóhannesdóttur í leik um fimmta sætið, 2-1 og Arnar Oddsson vann Hjálmar Hauksson í leik um Sjöunda sætið, 2-1.
Bjarni átti hæsta innskotið í kvöld eða 136 stig og Hinrik fæstar pílur til að klára legginn, eða 11 pílur.
Röðin á toppnum breyttist því lítið og er Bjarni efstur, Hinrik í öðru sæti, Aðalsteinn í þriðja og Hrannar í fjórða sæti. Á miðvikudaginn eftir viku verður spilað Krikket.
