Eric Clapton í Egilshöll
Fólk í fréttum - miðvikudagur 13.febrúar 2008 16:39 - - Lestrar 83 - Athugasemdir (0)
Eric Clapton
Eric Clapton hefur ákveðið að spila fyrir íslenska aðdáendur sína. Tónleikarnir munu fara fram þann 8. ágúst næstkomandi en mun miðasala hefjast 3. mars og eru liður í tónleikaferðalagi kappans um Evrópu.
Eric Clapton hefur lengi verið í hópi bestu gítarleikara í heimi, en hann gerði garðinn frægan á sínum tíma með hljómsveitunum Cream og The Yardbirds. Hann hefur áður komið á klakann og farið á laxveiðar en ekki til tónleikahalda. Búast má við fjölmenni þegar þetta stórmenni stígur á svið í Egilshöllinni enda höfðar hann til langflestra aldurshópa. Um tíu þúsund miðar verða í boði á þennan stórviðburð.
Heimildir
